Bardhi: Edhe ata që do vijnë nga 2/3 e listave do i binden kryetarit

Depueti i Partisë Demokratike, Gazmend Bardhi ka komentuar akuzat lidhur me ndryshimin për listat zgjedhore.

Në fjalën e tij, në seancën parlamentare, Bardhi thotë se edhe pse sistemi mazhoritar parimisht është shumë efektiv, sërish kandidatët i zgjedh kryetari.

“Ai që kërkon lista të hapura sipas Gjykatës Kushtetuese ose është budalla ose gënjen. Gjykata Kushtetuese ka shfuqizuar vetëm numerikisht herësin e vendosur në ndryshimet e vitit 2020. Ne sot diskutojmë që vendimi i 2020 nuk ishte i mirë. Dikush tjetër thotë që kandidatët do t’i caktojë kryetari. Ku ka sistem më të pastër sesa sistemi mazhoritar. Edhe aty i cakton kryesia ose kryetar. Mund të jetë ai sistemi më i mirë, po mund të ketë edhe më të mirë. Jepni ide se në Kuvend na ka ardhur vetëm  një propozim.” -u shpreh ai.

Sipas Bardhit, edhe ai propozim që është sjellë pranon si mekanizëm ndarjen e listave. Kjo ndarje nuk duhet të gjykohet në këndvështrimin e tij sepse vetëm tre deputetë kanë ardhur në parlament nga thyerja e herësit, kurse pjesa tjetër si zgjedhje e kryetarit të partisë, si produkt i listave të mbyllura.

“40 depuetë që do vijnë nga votat preferenciale, të ndarë nëpër partitë përkatëse, është numri i rëndësishëm për të diktuar qeverisjen e vendit. Do i shikojmë edhe ata si do votojnë kur të vijnë, do votojnë sipas disiplinës së kryetarit apo për çdo votim do shkojnë tek zona që i ka votuar, do pyesin qytetarët dhe do i dalin kundër kryeministrit. Do jemi këtu dhe do e shikojmë.” -tha Bardhi.

LEXONI GJITHASHTU:

• Reforma Zgjedhore, Basha: Pazari Rama-Berisha, duan në Kuvend kamikazët e tyre
• “Kodi zgjedhor duhet të prekë financimet e partive”, Shehaj: Janë elefanti në dhomë