Mosha mbetet veç një shifër për Edoardo Rejan. Tekniku Italian i cili drejtoi për 3 vite kombëtaren shqiptare tashmë i është rikthyer sërish punës. 77-vjeçari është zyrtarizuar në krye të skuadrës së ND Gorica, në kampionatin slloven.

I larguar në nëntor të 2022-shit nga kuqezinjtë, synimi i italianit tani është mbijetesa në elitën e futbollit slloven.

Skuadra e re e Rejës renditet në vendin e fundit në tabelën e klasifikimit, ndërkohë ka vfetëm 2 fitore në 24 javë, situata e cila çoi në shkarkimin e serbit Miran Srebrni.

Edoardo Reja e nisi karrierën e tij si trajner në vitin 1979, plot 44 vite më parë, ndërsa ka triumfuar dy herë në Serie B italiane me Brescian dhe Vicencen. Po ashtu është shpallur nënkampion me Cagliarin dhe Napolin.

Në 2019-ën u emërua në krye të kombëtares shqiptare, teksa arriti të ngjiste ekipin nga grupi C në B, por më pas nuk përmbushi objektivat e vendosur nga FSHF, gjë që çoi në mosrinovimin e kontratës.