Qytetarët grekë kanë nisur grumbullimin e ndihmave për të ndihmuar të prekurit nga tërmeti shkatërrimtar që goditi Turqinë.
Media turke Anadolu Agency ka shpërndarë pamjet e vullnetarëve në Greqi të cilët solidarizohen me fqinjët e tyre t’iu gjendur pranë në moment e kësaj fatkeqësie të rëndë natyrore.
Në fjalën e tyre qytetarët thonë se Egjeu, është një det që i bashkon dy vendet dhe jo që i ndan. Ata i referohen polemikave të fundit mes Athinës zyrtare dhe Ankarasë në lidhje me mosmarrëveshjet për ndarjen e kufirit detar.
“Egjeu është një det që na lidh dhe nuk na ndan”- thonë qytetarët grekë.
❝Aegean is a sea that connects us and not separates us❞
Greek volunteers rally to help quake victims in Türkiye https://t.co/GlXRNRIw0X pic.twitter.com/H0ICeTs9m6
— ANADOLU AGENCY (@anadoluagency) February 15, 2023
Greqia ishte ndër vendet e para që dërgoi ndihmë në Turqi, ku më shumë se 35,400 njerëz janë konfirmuar të vdekur dhe dhjetëra mijëra të plagosur deri më tani.
Pesë avionë me më shumë se 7500 batanije, 1500 shtretër dhe 500 tenda u dërguan në ditët e para të fatkeqësisë në bashkëpunim me Ambasadën Turke në Athinë.
Apeli mbarëkombëtar mori një përgjigje masive nga grekët që nxituan të mbledhin ilaçe, ushqime dhe furnizime të tjera për të prekurit nga tërmeti.
Disa bashki nga i gjithë rajoni i Atikës dhe pjesë të tjera të Greqisë kanë mbledhur rroba, ushqime, tenda, radiatorë ngrohjeje dhe disa mallra të tjera.
LEXONI GJITHASHTU: