Egjipti propozon armëpushim dyditor në Gaza

Presidenti i Egjiptit, Abdel Fattah al-Sisi, ka propozuar një armëpushim dyditor në Gazë, së bashku me një këmbim të limituar të pengjeve, si një hap drejt sigurimit të një armëpushimi të plotë pas më shumë se një viti të luftës mes Izraelit dhe Hamasit.

Propozimi, i bërë në një konferencë për media në Kajro, parasheh këmbimin e katër pengjeve izraelite që mbahen në Gazë me të burgosur palestinezë në burgjet izraelite.

Sisi theksoi se pas këtij këmbimi, do të zhvilloheshin negociata të tjera brenda 10 ditëve.

Ndërkohë, situata mbetet e tensionuar, me Izraelin që vazhdon sulmet ndaj territorit palestinez dhe lufton gjithashtu kundër Hezbollahut në Liban.

Hezbollah, një grup militant dhe parti politike në Liban, është shpallur organizatë terroriste nga Shtetet e Bashkuara, ndërsa Bashkimi Evropian e ka renditur në listën e zezë vetëm krahun e armatosur.

Izraeli gjithashtu ka nisur sulme ajrore ndaj Iranit, si hakmarrje për një sulm me raketë balistike të kryer më herët gjatë muajit.

Këto veprime kanë shqetësuar ndërkombëtarisht, duke rritur thirrjet për përmbajtje nga të gjitha palët e përfshira.

LEXONI GJITHASHTU:

• Netanyahu kundërshton iniciativën egjiptiane për armëpushim në Gaza
• Përmbyset autobusi në Egjipt, të paktën 12 të vdekur dhe 13 të plagosur