Ekipet shqiptare shkëlqejnë në Europë, një hap larg play off-it

Ka qenë një mbrëmje e shkëlqyer e enjtja për futbollin shqiptar në arenën europiane. Të tjera ekipet shqiptare që konkurrojnë në Conference League, Partizani, Ballkani dhe Struga arritën të fitojnë në përballjet e tyre respektive të vlefshme për raundin e tretë eliminator të këtij kompeticioni.

Kampionët e Shqipërisë bën një përmbysje spektakolare në Riga përballë Valimeras në shifrat 1-2. Fillimisht ishin vendasit që kaluan në avantazh në pjesën e parë, por në pjesën e dytë Partizani përmbysi gjithçka me dy gola, duke hedhur një hap të sigurt drejt kalimit në raundin tjetër të Conference league, ku tashmë i mjafton një barazim në Tiranë që të kalojë në raundin play off.

Hap të rëndësishëm për kalimin e turit bëri edhe Ballkani që fitoi pastër në shtëpi përballë Lincoln. Ndeshjen e dytë ekipi i Ilir Dajës e luan në transfertë, por me këtë triumf të pastër 2-0 në ndeshjen e mbrëmjes së të enjtes shkon favorit dhe me mendjen te përballja e play off-it me qëllimin për të përsëritur suksesin e vitit të shkuar.

Një mbrëmje shumë pozitive ishte edhe për kampionët e Maqedonisë së Veriut, Strugën. Ekipi i drejtuar nga Shpëtim Duro e dominoi gjithë ndeshjen dhe me fitoren 3-1 shkon i qetë në ndeshjen e dytë, pasi për të kaluar në play off i mjafton që ruaj rezultatin, por mund të kalojë edhe me një humbje minimale.

Nëse do të kalojnë të treja në play off, kjo do të ishte hera e parë që tre ekipe shqiptare nga tre liga të ndryshme do të ishin në një fazë të tillë të kompeticioneve europiane.

LEXONI GJITHASHTU:

• “Duam të shkojmë në Euro 2024”, Silvinjo flet për objektivat e kuqezinjve në shtator
• Harry Kane një hap larg Bayernit, kur mund të finalizohet marrëveshja