Harry Kane një hap larg Bayernit, kur mund të finalizohet marrëveshja

Bayern Munich ka arritur marrëveshjen për të nënshkruar me kapitenin e Anglisë, Harry Kane, raporton Sky Sports News.

Kane, i cili ka dhe një vit të mbetur në kontratën e tij me Tottenham, dëshiron që e ardhmja e tij të zgjidhet përpara hapjes së sezonit të Premier League, këtë të dielë.

Kampionët gjermanë do të thyejnë rekordin e tyre të transferimeve për të arritur golashënuesin më të mirë të të gjitha kohërave të Spurs.

Tarifa besohet të jetë me vlerë më shumë se 100 milionë euro (86 milionë funte), raportoi The Athletic.

Kane është golashënuesi më i mirë i të gjitha kohërave për Tottenham me 280 gola në 435 paraqitje.

Ai shënoi 30 gola në Premier League sezonin e kaluar, por performanca e ekipit ishte zhgënjyese duke përfunduar në vendin e 8-të.

Tottenham nuk do të jetë pjesë e Ligës së Kampionëve këtë vit, duke e shtyrë më shumë Kane drejt një transferimi te kampionët në Gjermani. Vlen të theksohet gjithahstu se Spurs nuk kanë fituar asnjë trofe që nga viti 2008.

LEXONI GJITHASHTU:

• “Duam të shkojmë në Euro 2024”, Silvinjo flet për objektivat e kuqezinjve në shtator
• Partizani kërkon play off-in, përballet sot me kampionët e Letonisë