Ekipi i Argjentinës bie pre e grabitjes para ndeshjes për Lojërat Olimpike

Ekipi kombëtar i futbollit argjentinas raportohet se u grabit para ndeshjes për Lojërat Olimpike Paris 2024.

Lajmi u bë publik nga trajneri që drejton ekipin në Lojërat Olimpike, Javier Mascherano.

“Të martën hajdutët hynë në vendin tonë të stërvitjes dhe ne u grabitëm. Thiago Almada-s iu vodhën sendet e tij, një orë dhe bizhuteritë”, tha Mascherano, ish-mesfushori i Barcelonës dhe Argjentinës.

“Nuk donim të thonim asgjë pas stërvitjes”, shtoi 40-vjeçari.

Delegacioni i Argjentinës paraqiti një ankesë në polici në Lyon, tha të enjten zyra e prokurorit të Saint-Etienne-it aty pranë.

Federata e Futbollit të Argjentinës tha se kishte lëshuar një protestë zyrtare të mërkurën ndaj organit qeverisës botëror FIFA dhe do të bënte “çfarë është e nevojshme” për të garantuar sigurinë e lojtarëve.

Mediat franceze raportojnë të enjten se vlera e sendeve të vjedhura vshkon në 50,000 euro.

Argjentina humbi ndaj Marokut 2-1 në ndeshjen e të mërkurës për lojërat Olimpike, Paris 2024 në stadiumin Geoffroy-Guichard në Saint-Etienne, një qytet afër Lionit.

Argjentina do të përballet me Irakun në stadiumin e Lyonit të shtunën.

Ceremonia e hapjes së Lojërave Olimpike Paris 2024 do të mbahet në Paris këtë të premte dhe do të zgjasin deri më 11 gusht.

LEXONI GJITHASHTU:

• Paralizohet Franca pak para nisjes së Lojërave Olimpike, sulmohet rrjeti hekurudhor
• Si do të zhvillohet ceremonia hapëse e Lojërave Olimpike në Paris?