Eksperti i ekonomisë: Të ndalen PPP-të, po rrezikohet jetesa e qytetarëve

E ardhmja e ekonomisë shqiptare nuk është e ndritur. Ky ishte konstatimi i ekspertit të ekonomisë, Dritan Shano.

“Ekonomia shqiptare është shumë e prapambetur, është shumë e vogël, ekonomia më e prapambetur në rajon,” – u shpreh ai, ndërsa theksoi se me vullnet dhe bërjen e politikave të duhura mund të ndryshojë shumë shpejtë.

Shano tha për “SOT” në Euronews Albania se aty ku është e keqja, është dhe e mira jonë. Pikërisht ekonomia e vogël mund të përmirësohet shumë shpejtë.

Sipas tij është urgjente ndalimi i PPP-ve, duke qenë se kriza ekonomike po rrezikon jetën e qytetarëve.

Marrja e borxhit prej 750 milionë eurosh, për Shanon është “monstruoze”. Ai tha se mirëmenaxhimi i financave publike është zgjidhje afatshkurtër për këtë çështje.

Ndër të tjera, Shano tha se nuk e këshillonte qeverinë të ulte taksat pasi sistemi shumë i dobët i menaxhimit nuk do e çonte efektin pozitiv të uljes së taksave deri te konsumatori, por do ndihmonte vetëm oligarkët.

Për ekspertin e ekonomisë, rritja e çmimit të energjisë elektrike lidhet me keqmenaxhimin e burimeve natyrore.

LEXONI GJITHASHTU:

• Ekspertja e ekonomisë krahason bordin e çmimeve me metodat në komunizëm