Ekspertët: 11,6 mld euro humbje nga duhani, adoptoni alternativa të sigurta

Bashkimi Europian nevojitet të adoptojë përdorimin e alternativave më të sigurta për duhanpirësit. Ky sugjerim vjen nga  Këshilli Europian i Inovacionit, i cili në studimin e fundit ka marr në analizë situatën në Evropë, duke vënë në fokus se si mund të shpëtohen miliona jetë njerëzish duke promovuar rritjen ekonomike.

Eskpertët në raport kanë nxjerr në pah se 11.6 miliard euro humbin çdo vit nga vendet e BE si pasojë e kontrabandës së duhanit, ndaj ato ju kanë bërë thirrje institucioneve të miratojnë një kuadër rregullator i cili mbron zinxhirin evropian të duhanit ku punojnë më shumë se 2.1 milionë njerëz.

Duke argumentuar se përdoruesit e duhanit dhe nikotinës nuk do të ‘zhduken’ brenda natës, rekomandojnë që Europa të inkurajojë adoptimin dhe përdorimin e alternativave më të sigurta.

Përfitimet kryesore që vijnë prej tyre përfshijnë ruajtjen e kontributit ekonomik të një industrie të ndërtuar në Europë; përmirësimin e shëndetit publik përmes përditësimit të kuadrit rregullator dhe parandalimin e tregut të paligjshëm, për produkte me standarde të ulëta sigurie që vijnë kryesisht nga Kina.

Në nivel evropian, sektori i duhanit kontribuon me 223.7 miliardë euro në vit në PBB, shifër kjo sa 1.3% e PBB-së totale të Bashkimit Evropian. Të ardhurat totale vjetore nga taksat mbi duhanin arrijnë në 112.9 miliardë euro.

LEXONI GJITHASHTU:

• Imzot Dodaj nga Vatikani për Euronews Albania: Papa ka prekur zemrën e çdokujt
• Shpëtohet familja e futbollistit Rodriguez, u mor peng disa ditë më parë