Ekspertët: Rusia do të shpërbëhet në 10 vitet e ardhshme

Rusia siç e njohim aktualisht mund të mos mbijetojë në dekadën e ardhshme, sipas një sondazhi të ri të kryer nga Këshilli Atlantik.

Sondazhi me 167 ekspertë, të cilët ndanë njohuritë e tyre se si mund të duken gjeopolitika, lëvizjet sociale dhe politike në 10 vitet e ardhshme, deklaruan se Federata Ruse është në rrezik të mos mbijetojë në gjendjen që është aktualisht.

Sondazhi zbuloi se 40% e ekspertëve parashikuan se Rusia do të shpërbëhej deri në vitin 2033 “për shkak të revolucionit, luftës civile, shpërbërjes politike ose ndonjë arsye tjetër”.

Ndërkohë, 46% e të anketuarve prisnin që Rusia ose të bëhej një “shtet i dështuar” brenda një dekade ose “të shpërbëhej” deri në vitin 2033.

Këshilli Atlantik tha gjithashtu se evropianët ishin veçanërisht pesimistë për shpërbërjen e Rusisë, me 49% të tyre që parashikonin një ngjarje të tillë.

LEXONI GJITHASHTU:

• “Toka është mbuluar me kufoma”- Zelensky rrëfen luftimet e ashpra në Soledar
• Zelensky: Rusia po bën përpjekje të mëdha për të pushtuar qytetin lindor Soledar
• “Godisni Francën”- Ekspertët rusë diskutojnë rifillimin e testimeve bërthamore