Eksperti: Si mund të zbulohet nëse është inskenuar vetëvrasja e 31-vjeçarit

Eksperti i Kriminalistikës, Artan Rexhepi thotë se inskenimi i një vetëvrasjeje mund të evidentohet dhe se ngjarja e rëndë ku 31-vjeçari Ilvi Meta u gjend i pajetë në Komisariatin e Kavajës mbrëmjen e së martës mund të zbardhet lehtësisht.

Në emisionin “Sot” në “Euronews Albania”, Rexhepi u shpreh se nëse një person është vetëvarur, në qafën e të ndjerit shkaktohet vija e strangulacionit si dhe ka sekrecione.

“Nëse ai është ekzekutuar nga dhuna ose për shkaqe të tjera dhe është inskenuar një vetëvrasje, ajo është lehtësish e zgjidhshme. Është vija e strangulacionit që shkaktohet te qafa e të ndjerit, ka edhe sekrecione. Është shumë e evidentueshme”, tha eksperti.

Rexhepi shtoi se në të tilla raste kur policia është e dyshuar, grupi i hetimit duhet të jetë i pavarur.

LEXONI GJITHASHTU

• ‘Ekspertiza nuk ka firmosur që ka vrarë veten’, flasin familjarët e 31-vjeçarit
• Vdekja e 31-vjeçarit në dhomën e sigurisë, Avokatja e Popullit radhit shkeljet