Eksploziv në stacionin e Berlinit, “gjueti” për kapjen e të dyshuarit

Policia gjermane po kryen kërkime masive për një person që braktisi një çantë të mbushur me eksploziv në një stacion treni në Berlin dhe që arriti t’u shpëtonte oficerëve të policisë.

Autoritetet deklaruan se agjentët e kishin ndaluar të dyshuarin për një kontroll rutinë në stacionin “Nojkëln” të kryeqytetit gjerman, por ai u largua me vrap dhe më pas u gjet çanta me lëndë shpërthyese.

Çanta u mor në dorëzim nga ekspertët e policisë, të cilët e çan në një park të afërt, ku dhe e shpërthyen në mënyrë të kontrolluar.

Kërkimet janë ende në vazhdim, edhe pse zyrtarët nuk e kanë ende të qartë identitetin e të dyshuarit dhe qëllimet e veprimit të tij.

Çanta e tij mbante një lloj eksplozivi shumë të rrezikshëm, të tipit “triaçeton triperoksid”, që është përdorur në sulmet ekstremiste të ndodhura në Gjermani.

Dirk Vieze, një ligjvënës nga partia e kancelarit gjerman Olaf Sholc, deklaroi për mediat se, policia kishte parandaluar një sulm të planifikuar.

“Kjo tregon qartë se sa i lartë është rreziku nga terrorizmi në vendin tonë”, tha ai.

LEXONI GJITHASHTU:

• Liderët e rajonit sot në Berlin, i pranishëm edhe kryeministri Rama
• U shpall fajtor për sulmin terrorist në një xhami, Irani ekzekuton gjermanin