Rritja e çmimeve në tregjet e huaja shton të ardhurat për eksportuesit vendas.
Mallrat që shesim jashtë arrijnë gjysmë miliard dollarë për muajin mars 2022.
Peshën kryesore e japin mineralet dhe materialet e ndërtimit.
Edhe importet janë rritur në vlerë si pasojë e rritjes së çmimeve.
Importet në mars u rriten me 28%, tregojnë të dhënat e INSTAT.
Ndikimin më të lartë e ka dhënë blerja e energjisë elektrike.
Rritje kanë pasur edhe materialet e ndërtimit dhe ushqimet.
Deficiti tregtar i muajit mars është 36 miliardë lekë, duke u rritur me 14,4%.
Në këtë tremujor eksportet e mallrave arritën vlerën 120 mld lekë, ndërkohë importet e mallrave arritën vlerën 207 mld lekë.
Gjatë këtij tremujori vendet me të cilët Shqipëria ka pasur rritje më të madhe të eksporteve, në krahasim me një vit më parë, janë: Italia (54,5 %), Kosova (52,0 %) dhe Gjermania (123,3 %).
Gjatë këtij tremujori, vendet me të cilët Shqipëria ka pasur rritje më të madhe të importeve, në krahasim me një vit më parë, janë: Italia (12,7 %), Turqia (52,7 %) dhe Kina (9,1 %).
Shkëmbimet tregtare, për tremujorin 2022, me vendet e BE-së zënë 60,9 % të gjithë tregtisë.
LEXONI GJITHASHTU:
Emigracioni tkurr popullsinë, ikin 4,5 herë më shumë qytetarë se sa kthehen