Ekspozita “Larg dhe Afër” hapet në Gjilan, bashkohen artistët nga trojet shqiptare

Artistët shqiptarë nga të gjithë trevat janë bashkuar në Gjilan në edicionin e dytë të ekspozitës së titulluar “Larg dhe Afër”, ide që lindi në fillim të viteve 2000, për t’u kthyer në një projekt të  përhershëm.

Kjo ekspozitë hapi dyert për artdashësit në vitin 2018, në Universitetin e Arteve në Tiranë, me pjesëmarrjen e artistëve nga Lugina e Preshevës, Bujanoci dhe Medvegja.

Ideatorja e projektit thekson se qellim ishte sfidimi i kufijve qe i ndanin shqiptarët.

“Mendova një ekspozitë larg dhe afër. Duke parë vijën kufitare që na ndan me Kosovën, që ishim shumë afër dhe larg, ishte një kufi që na ndante dhe bëra një ekspozitë vetëm em artistë të Luginës së Preshevës”, tha Irzeme Zeqiri Muliqi, artiste.

Në edicionin e dytë në Prishtinë, ekspozita mblodhi artistë shqiptarë nga vende të ndryshme, duke e kthyer hapësirën ekspozuese në një vend takim të përbashkët te tyre.

Synimi i projektit është që eskozita të hapet dhe në vendet e tjera, por sfidat janë të shumta.

“Ne do donim shumë që të kishte edicione të 3-të, të 4-t që të vazhdonte, që ndryshojnë në koncepte dhe që sjellin risi. Sfida është tepër e madhe sidomos kur e di që je në Ballkan dhe vlerat vinë gjithmonë si risi”, tha Ilir Kaso, Kurator i ekspozitës.

Përmes veprave në ekspozitë artistët japin përgjigje për një sërë përgjigjesh për identitetin dhe përkatësinë përtej vendit.

“Larg dhe Afër” nuk është vetëm një ekspozitë, është një hap drejt bashkimit përmes krijimit dhe dialogut.

LEXONI GJITHASHTU:

• Vodafone Business dhe Fortinet, partneritet global për sigurinë në punët hibride
• Tym i zi: Asnjë papë i zgjedhur në votimin e parë