Katër shqiptarë të cilët ishin shpallur në kërkim ndërkombëtar, janë ekstraduar drejt Shqipërisë.
Nga Italia është ekstraduar 30-vjeçari Bekim lekaj, të cilin Gjykata e Rrethit Gjyqësor Gjirokastër e ka dënuar me 8 vjet, 2 muaj e 10 ditë burgim, për veprat penale “Vjedhja” dhe “Vjedhja me dhunë” kryer në bashkëpunim, të parashikuara nga Kodi Penal i Republikës së Shqipërisë.
Nga Gjermania, është ekstraduar 28-vjeçari Romario Kapidani, të cilin Gjykata e Rrethit Gjyqësor Durrës e ka dënuar me 5 vjet e 4 muaj burgim, për veprën penale “Prodhimi dhe shitja e narkotikëve”, nga të cilat i kanë mbetur për të vuajtur edhe 2 vjet e 8 muaj burgim.
Po nga Gjermania, është ekstraduar 29-vjeçari Ervis Martini alias Ervis Krasniqi, të cilin Gjykata e Shkallës së Parë Fier i ka caktuar masën e sigurimit “Arrest në burg”, për veprat penale “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.
Ndërsa, 30-vjeçari Deivis Jaho u ekstradua nga Franca, pasi pasi Gjykata e Apelit Tiranë e ka dënuar me 1 vit burgim, për veprat penale “Vjedhja” dhe “Shkelja e rregullave të qarkullimit rrugor”.
Ekstradimi i tyre drejt Shqipërisë u bë si rezultat i bashkëpunimit të Interpol Tirana me homologët europianë.
LEXONI GJITHASHTU