Ekstradohet nga Spanja 37-vjeçari, në kërkim për tentativë vrasjeje

37-vjeçari me iniciale E.K është ekstraduar nga Spanja drejt Shqipërisë, pasi ishte shpallur në kërkim ndërkombëtar për vrasje të mbetur në tentativë dhe armëmbajtje pa leje.

Për 37-vjeçarin, Gjykata e Durrësit më 22 shtator të 2017, ka caktuar masën e sigurisë “arrest në burg”, për veprat penale “Vrasja në rrethana cilësuese”, kryer në bashkëpunim, mbetur në tentativë dhe “Prodhimi dhe mbajtja pa leje e armëve luftarake dhe e municionit”.

37-vjeçari në gusht të 2017, në Shijak, në bashkëpunim me shtetasin M. B, ka qëlluar me armë zjarri në drejtim të automjetit që drejtohej nga shtetasi D. Gj.

Shtetasi i ekstraduar iu dorëzua Drejtorisë së Përgjithshme të Burgjeve, për kryerjen e veprimeve të mëtejshme procedurale.

LEXONI GJITHASHTU:

• Rama mbledh sot drejtuesit e qarqeve, diskutime për zgjedhjet e 14 majit
• “Të mbrohen serbët në Kosovë”, zëdhënësi i Kremlinit reagon për situatën në veri
• Dedektivja: Kujdes, burrat që tradhtojnë fillojnë të kujdesen më shumë për veten