Ekstremi tjetër i motit/ Përmbytje në Azi, viktima në Indi dhe Korenë e Jugut

Një javë shirash të dendura në Korenë e Jugut lanë të paktën 22 të vdekur, 13 të plagosur dhe 14 të zhdukur si pasojë e rrëshqitjeve të tokës.

Gjithashtu, rreth 5 mijë persona u detyruan të evakuoheshin gjatë javës, 2 mijë prej të cilëve janë vendosur në streha të improvizuara.

Në Indi, në kryeqytetin Nju Delhi, niveli i lumin Jamuna nisi të ulej pasi preku rekordin 40-vjeçar duke arritur mbi 207 metra. Disa zona të ulëta të qytetit janë ende të përmbytura dhe rrjedhimisht mijëra banorë u detyruan të evakuoheshin për në terrene më të ngritura.

Ndërkohë, në Evropë, autoritetet dhe qytetarët belgë kanë përkujtuar viktimat e përmbytjeve që prekën veriun e kontinentit 2 vjet më parë. Zëvendës presidenti i Komisionit Evropian, Frans Timmermans vizitoi zonat e prekura.

Përmbytjet morën mbi 220 jetë njerëzish, shumica në Belgjikë dhe Gjermani. Vitin e kaluar, Timmermans propozoi shpalljen e 15 korrikut një ditë përkujtimore për viktimat e ndryshimeve të klimës.

LEXONI GJITHASHTU: 

• Kosova blenë nga Turqia dronë Bayraktar TB-2, Kurti: Tani jemi më të sigurt
• U vra nga policia, miku i Çollakut: Ishte inteligjent, vuante nga mungesa e vajzës