Kosova blen nga Turqia dronë Bayraktar TB-2, Kurti: Tani jemi më të sigurt

Arsenalit të ushtrisë së Kosovës i janë shtuar dhe dronë Bayraktar TB-2 të cilët qeveria kosovare i ka blerë nga Turqia.

Lajmin e ka bërë me dije kreu i qeverisë së Kosovës Albin Kurti, ku tha mes të tjerash se tani Kosova është më e sigurt.

“Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia! Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tash është edhe më e sigurt përveçse gjithnjë krenare! Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve.”- tha Kurti.

LEXONI GJITHASHTU: 

• Operacioni “Rrjeti” në Elbasan, reagon Ministri i Brendshëm, Balla
• Yellen: Mbështetja për Ukrainën, rruga më e mirë për t’i ndihmuar ekonomisë globale