El Chapo në burg përjetë, qyteti i tij po hap një muze kushtuar trafikut të drogës

Qyteti i lindjes së liderit të kartelit meksikan të drogës Joaquin Guzman El Chapo po shqyrton idenë e hapjes së një muzeu kushtuar tregtisë së drogës, tha kryebashkiaku Jose Lopez, duke shtuar se ai shpreson se do të tërheqë turistë.

Muzeu duhet të ndërtohet në qytetin Badirahuato, në veriperëndim të shtetit meksikan të Sinaloa, dhe do të tregojë historitë e liderëve të ndryshëm të bandave që kanë lindur në atë rajon, shkruan Euronews.

Kryebashkiaku Lopez dyshohet se ka ndarë një milion euro për projektin.

Projekti i muzeut të ri nuk ka përfunduar ende dhe López shtoi se trafiku i drogës është pjesë e pandashme e historisë së shtetit meksikan.

“Ne nuk mund ta mohojmë historinë tonë. Është e mundur që ne të kemi një muze kushtuar tregtisë së drogës,” tha Lopez.

Në vitin 2019, El Chapo u dënua në Nju Jork për pastrimin e miliarda dollarëve nga droga në SHBA, si dhe për planifikimin e vrasjes së kundërshtarëve ndërsa ishte lider i kartelit Sinaloa.

Ai po vuan dënimin e përjetshëm në Kolorado.

LEXONI GJITHASHTU: 

• Rekord italian në Champions, 5 trajnerë axurrë në fazën me eleminim direkt
• Ligj kundër simboleve fashiste në Maqedoninë e Veriut
• Sekuestrohen mbi 33 kg kokainë në kontejnerin me banane në Durrës, 8 të shoqëruar