Santiago Bernabeu mirëpret mbrëmjen e sotme El Clasico-n, aty ku Reali i Madridit dhe Barcelona përballen në gjysmëfinalen e Kupës së Mbretit.

Të dyja skuadrat po kalojnë një formë të mirë në kampionatin spanjoll ku renditen në dy vendet e para, ndërkohë që galaktikët luftojnë dhe për trofeun e Uefa Champions League.

Në anën tjetër, blaugranët të eleminuar nga Europa League, synim kanë fitimin e La Ligas dhe një sukses në kupë, që duket i arritshëm.

Mungesat mbeten një problem për skuadran e Xavit, ku Leëandoëski, Dembele dhe Pedri nuk janë në dispozicion, ndërsa tek Reali Alaba dhe Mendy.

Kjo është përballja e tretë për këtë sezon mes dy skuadrave, ku secila ka nga një fitore. Sfida e gjysmëfinales së kupës luhet në orën 21:00 dhe do të gjykohet nga Jose Munuera.

Ndërkohë mbrëmjen e së mërkurës është zhvilluar gjysmëfinalja e parë ajo mes Osasunës dhe Bilbaos, e fituar nga vendësit me rezultatin 1-0.