Presidenti Ilir Meta ka vlerësuar kontributin e diplomatit Eliot Engel në konsolidimin e marrëdhënieve mes SHBA dhe Shqipërisë si dhe rolin e tij për lirinë, pavarësinë dhe njohjen ndërkombëtare të Kosovës.

Përmes një statusi në faqen e vet në Facebook, kreu i shtetit e cilëson diplomatin amerikan si një avokat të palodhur dhe zë të fuqishëm të shqiptarëve në Kongresin Amerikan, ‘jo vetëm si kryetar i Komisionit të Marrëdhënieve me Jashtëm, z. Engel ka bërë përpjekje të palodhura për forcimin e mëtejshëm të marrëdhënieve të shkëlqyera shqiptaro-amerikane dhe lidhjes tonë transatlantike’.

“Si njohës i shkëlqyer i rajonit, z. Engel ka spikatur gjithashtu edhe si përkrahës i angazhimit të vazhdueshëm të SHBA për të konsoliduar të gjitha arritjet e deritanishme në Ballkan për paqen, stabilitetin, sigurinë, demokracinë e shtetin ligjor.

Jam i bindur se mbështetja dhe bashkëpunimi i tij do të vazhdojnë dhe në të ardhmen, në interes të forcimit të marrëdhënieve shqiptaro-amerikane”, shkruan presidenti Meta.

Kryetari i Komitetit për Marrëdhëniet me Jashtë në Kongresin Amerikan, Eliot Engel u largua pas 32 vitesh si anëtar i Kongresit.

Lexoni gjithashtu:

Dita e fundit e Eliot Engel në Kongresin Amerikan, diplomati largohet pas 32 vitesh

Largimi i Engel, politika në Kosovë dhe Shqipëri shpreh mirënjohjen