Elmir Tufa mbetet në burg, akuzohet për vrasjen e biznesmenit Shkëlzen Kastrati 

Gjykata e shkallës së parë të rrethit gjyqësor Fier ka lënë në fuqi masën e sigurisë “arrest me burg” për Elmir Tufën, i dyshuar për vrasjen e biznesmenit Shkëlzen Kastratit në 1 shkurt të vitit 2021.

Pasi u ndalua nga uniformat blu mbrëmjen e së enjtes, 31-vjeçari është paraqitur në gjykatë mëngjesin e kësaj të diele nën masa të rrepta sigurie dhe është vendosur verifikimi i masës së sigurimit.

Gjyqtare e çështjes është caktuar Miranda Nakaj, ndërkohë që prokuror është Dorian Teliti.

Pasi kanë dëgjuar palët, si atë akuzuese dhe atë mbrojtëse trupi gjykues vendosi vijimin e masës së sigurisë “arrest me burg” për Elmir Tufën.

Gjatë seancës Tufa dhe avokati i tij pretenduan se ditën e ngjarjes kanë qenë në gjykatën e Krujës në një gjykim zëvendësim mase sigurimi të një kushëriri të tij, duke pretenduar se ka pamje filmike për këtë fakt.

Ndërkohë, mbi të rëndojnë akuzat e  veprës penale “vrasje me paramendim” e kryer në bashkëpunim“, “mbajtje pa leje dhe prodhimi i armëve shpërthyese dhe i municionit”