Email-e të rreme në emër të Prodës, policia thirrje qytetarëve: Mos iu përgjigjni

Policia bën me dije se janë hapur disa emaile të rreme me emrin Drejtorit të Përgjithshëm të Policisë së Shtetit, Ilir Proda dhe nëpërmjet saj janë prezantuar si struktura për Hetimin e Krimeve Kibernetike.

Policia thekson se nëpërmjet emaile-ve u dërgohen qytetarëve mesazhe me përmbajtje kërcënuese, duke i njoftuar se janë në hetim për krime kibernetike ose vepra penale në fushën e narkotikëve. Gjithashtu qytetarëve u kërkohet që të paraqiten brenda 24 orëve, në polici.

Në njoftim theksohet se emailet janë false dhe nuk kanë asnjë lidhje me Policinë e Shtetit apo me ndonjë strukturë zyrtare të saj dhe që qytetarët mos t’iu përgjigjen. Policia shton se nuk dërgon kurrë njoftime zyrtare për hetime nëpërmjet emailit. Gjithashtu shton se asnjë strukturë policore nuk kërkon që qytetarët të paraqiten në polici, pa një thirrje zyrtare të firmosur dhe të protokolluar. Policia shton se qëllimi i këtyre mesazheve është mashtrimi dhe përhapja e frikës tek qytetarët.

LEXONI GJITHASHTU:

• Shembet ndërtesa 7 katëshe në Turqi, 5 persona nën rrënoja (VIDEO)
• PD kërkoi shkarkimin e Peleshit, zbardhet raporti i PS-së për rrëzimin e kërkesës