Emërimet e papritura, Trump vijon të habisë me të përzgjedhurit

Donald Trump ka zgjedhur tre personazhe të tjera të papritura për të shërbyer në kabinetin e tij kur të marrë detyrën.

Ai ka marrë ish-drejtoreshën ekzekutive të një prej federatave të sportit të mundjes, Linda McMahon si sekretare të Arsimit, si dhe personazhin televiziv Doktor Oz, për menaxhimin e programeve shëndetësore “Medicare” dhe “Medicaid”.

Presidenti i zgjedhur është i vendosur në qëllimin e tij për të hequr qafe ato që i konsideron “doktrina të krahut të majtë”.

Mbi Doktor Oz, që paraqitet si një ekspert i shëndetësisë, rëndojnë akuzat se më parë është kontrolluar për deklarata të rreme në shfaqjen e tij televizive.

Trump ka zgjedhur gjithashtu drejtuesin e “Wall Street”, Howard Lutnick si sekretar për Tregtinë, që do të luajë një rol kyç në planet e presidentit për rritjen e tarifave.

Të tre të përzgjedhurit kanë qenë mbështetës të fushatës së miliarderit në të kaluarën. Ndërkohë, posti i sekretarit të Thesarit mbetet vakant.

LEXONI GJITHASHTU:

• A do t’i japë Trump fund luftës në Ukrainë? Çfarë thonë ligjvënësit amerikanë
• Trump zgjedh sekretaren e shtypit të Shtëpisë së Bardhë, kush është 27-vjeçarja