Emigracioni, Lituania mbron politikat e saj: S’e pranojmë si mjet presioni

Lituania është zotuar se do të vijojë politikën e saj 1-vjeçare për emigracionin, pavarësisht se Gjykata Evropiane e Drejtësisë e ka cilësuar atë ilegale.

Gjykata vendosi se vendi baltik shkeli statutin e BE-së për të Drejtat Themelore, duke kufizuar hyrjen e emigrantëve në vend.

Reagimi vjen gjithashtu pas një raporti me tone kritike të Amnesty International, që akuzonte qeverinë për shkelje të ligjeve ndërkombëtare dhe keqtrajtim të emigrantëve.

“Për sa kohë regjimi në Bjellorusi do ta përdorë emigracionin si mjet presioni dhe sulmi, ne do të vetëmbrohemi. Lituania do të vetëmbrohet dhe do të vijojë politikën kundër hyrjes ilegale të emigrantëve. Ajo na ndihmon të ruhemi nga sulmet hibride dhe është në interesin tonë kombëtar”, u shpreh ministrja e Brendshme e Lituanisë Agne Bilotaite, Ministre e Brendshme e Lituanisë.

Vitin e kaluar, në korrik, disa mijëra emigrantë u përpoqën të kalonin kufirin nga Bjellorusia në Lituani. Disa prej tyre u arrestuan, ndërsa garda kufitare u udhëzua të zmbrapsë ata që tentonin të hynin.

LEXONI GJITHASHTU:

• 10 qytetet më të shtrenjta në botë për emigrantët
• Gjashtë vendet e BE-së ku mund të merret me lehtë leja e qëndrimit