Emigrantë shqiptarë në Dubai, Enerjeta Aliaj tregon pse zgjodhi Gjirin Persik

Kjo është familja e Enerjetës. Prej më shumë se 7 vitesh ajo jeton në Emiratet e Bashkuara Arabe.

Do të ishte dëshira për një jetesë më të mirë që e çoi atë drejt emigrimit. Do të punonte si kamariere, më pas në recepsion, sot është menaxhere e sigurisë në një nga hoteleritë në Dubai.

“Në fillim kur erdha e kisha të vështirë, larg familjes, plus edhe koha vetë këtu të shkatërron që nuk ke asnjë të afërm, mik, të ndash diçka”,  tregon ajo.

Të rikthehet në Shqipëri është dëshira e saj më e madhe. Në punën që është paguhet mirë, ndaj kjo është dhe frika e saj, a do ja dalë dot.

“Aktualisht është paga më e lartë, pak a shumë tek 2 mijë dollarë. Por normalisht nëse ka ndonjë mundësi në jetesën e brezit tonë e shoh të ardhmen në Shqipëri, nëse nuk ka do e shtyjmë nëpër Europë”, shprehet Enerjeta Aliaj.

Për fat të mirë edhe bashkëshorti i saj është i dashuruar me Shqipërinë, ndaj për të është një shtysë më shumë për t’u rikthyer në atdhe.

LEXONI GJITHASHTU:

• Trafiku i pasagjerëve në aeroportin e Dubait u trefishua në tremujorin e tretë 
• Durrësi me port modern, Balluku: Do të bëhet nga projektuesi i Dubait