EMRAT| 6 të arrestuar dhe 3 në kërkim, finalizohet operacioni anti-drogë në Korçë

Pas 6 muajsh është finalizuar një operacion anti-drogë në Korçë. Nga ky operacion 43 persona janë nën hetim, 10 janë ndaluar, 6 janë arrestuar, ndërsa 3 janë shpallur në kërkim. 24 të tjerë janë duke u hetuar në gjendje të lirë.

Të arrestuar në flagrancë gjatë këtij procedimi janë shtetasit: Isuf Durmishllari; Minella Pleqi; Gjergji Renja; Ardi Sterjo; Donald Qemal; Nikola Lara.

Gjatë operacionit u sekuestruan në total 9 kg lëndë e dyshuar narkotike kanabis, 388 gramë kokainë, 1 armë zjarri, municion luftarak, fidanë kanabis, llamba led, 9 automjete, 6 peshore elektronike, 28 celularë dhe shuma parash dhe eurosh, të përfituara nga veprimtaria kriminale.

Vijon puna operative-gjurmuese e proceduriale, për dokumentimin ligjor të veprimtarisë kriminale në ngarkim të personave të tjerë të implikuar në këtë aktivitet të paligjshëm.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Operacion anti-drogë në Korçë, 8 të arrestuar
• Gjendet një gomone në Babicë të Vlorës, dyshohet se do përdorej për trafik droge