EMRAT/ Arrestohen 5 persona në Tiranë, organizonin lojëra të paligjshme fati

Policia e Tiranës ka goditur këtë të premte 2 raste të organizimit të lojërave të fatit, duke arrestuar 5 persona, përkatësisht shtetasit Emrah Rizvani, Arlind Zenelaj, Renaldo Katragjini, Greis Marxhushi dhe Uneis Hoxholli

Këta shtetas janë kapur në flagrancë, në një lokal në rrugën “Irfan Tomini” dhe në një lokal në bulevardin “Gjergj Fishta”.

Gjatë aksionit janë sekuestruar edhe 7 kompjuterë, rreth 970 000 lekë dhe 160 euro.

Materialet në ngarkim të tyre i kaluan prokurorisë së Tiranës për veprime të mëtejshme.

“Shërbimet e Komisariatit të Policisë Nr. 2, si rezultat i kontrolleve në lokale dhe në ambiente të tjera, ku mund të organizohen lojëra fati në kundërshtim me ligjin, kanë organizuar dhe finalizuar operacionin policor të koduar “Game over” dhe kanë goditur 2 raste të kësaj veprimtarie kriminale.

Në vijim të veprimeve u arrestuan në flagrancë shtetasit E. R., 27 vjeç, A. Z., 23 vjeç, R. K., 38 vjeç, G. M., 20 vjeç dhe U. H., 20 vjeç”, thuhet në njoftimin e policisë.

LEXONI GJITHASHTU: 

• Merrnin para nga farmacitë, kush janë zyrtarët e Agjencisë së Barnave të arrestuar
• I përfshirë në 8 vjedhje, arrestohet i mituri i ‘rrezikshëm’ në Vlorë
• Aksidentoi për vdekje 20-vjeçarin dhe u largua, arrestohet 65-vjeçari nga Fieri