Emrat/ Stilisti i njohur nga Prishtina plagos bashkëshorten dhe vret veten

9 Maj 2025 | 18:34

Janë zbuluar detaje të reja nga ngjarja tragjike në Prishtinë ku një 34-vjeçar plagosi bashkëshorten dhe më pas i dha fund jetës.

Viktima është stilisti i njohur, Festim Isufi, i cili dyshohet se ka sulmuar gruan e tij, Rina Maloku, me thikë, dhe më pas ka përdorur të njëjtën thikë duke goditur për vdekje veten e tij.

Sipas raportimeve të fundit, 30-vjeçarja Rina Maloku është goditur me thikë dhe është transportuar menjëherë në spital për ndihmë mjekësore ndërsa, Festim Isufi ka ndërruar jetë në vendngjarje.

Kujtojmë se Rina Maloku, gruaja e tij, është influencere e njohur në rrjetet sociale. Ndërsa Festim Isufi ishte stilisti i parë shqiptar që prezantoi koleksionin e tij prej 20 veshjesh Haute Couture në Javën e Modës në Paris. Përveç kësaj, Isufi kishte mbajtur edhe kurse profesionale për dizajn mode.

“Mbështetur në të dhënat fillestare, dyshohet se personat kanë pësuar lëndime nga një mjet i mprehtë, dyshohet thikë. Hetuesit policor po ndërmarrin veprimet e nevojshme për zbardhjen e plotë të ngjarjes,” tha Flora Ahmeti, zëdhënëse e policisë së Kosovës.

Policia ka nisur hetimet për të përcaktuar shkaqet që çuan në këtë ngjarje tragjike dhe për të zbuluar motivet e mundshme të veprimeve të autorit.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Dorëzohen firmat që kërkojnë shkarkimin e liderit të LDK-së, Lumir Abdixhiku

Dorëzohen firmat që kërkojnë shkarkimin e liderit të LDK-së, Lumir Abdixhiku. Lajmin e ka konfirmuar për Euronews Albania, deputeti i LDK-së, Armend Zemaj. Gazetari i...
12:52 | 15/07/2026

Deklarata e ministres serbe për spastrim etnik, reagon Ali Ahmeti: Tronditëse, çnjerëzore dhe e papranueshme

Kreu i BDI-së, Ali Ahmeti përmes një postimi në “Facebook” ka reaguar lidhur me deklaratën e ministres serbe Snezhana Paunoviç e cila në një intervistë...
11:50 | 15/07/2026

Kosova shpall “Non Grata” ministren serbe pas deklartatës skandaloze për spastrim etnik

Kosova e ka shpallur person “të padëshirueshëm” dhe ia ka ndaluar përherë hyrjen apo kalimin nëpër vend ministres serbe Snezhana Paunoviq, pasi ajo tha ditë...
21:31 | 14/07/2026