Emri| Bie nga lartësia në vendin e punës, ndërron jetë shqiptari në Itali

Një aksident i rëndë në vendin e punës i ka marrë jetën 53-vjeçarit shqiptar Lulzim Buci në Itali. Ngjarja tragjike ndodhi në një magazinë në provincën e Frosinone, ku Buci dhe një koleg i tij po punonin për heqjen e disa fletëve azbesti nga çatia e strukturës.

Sipas raportimeve, struktura e betonit ku ata ndodheshin u shemb papritur, duke i bërë punëtorët të binin nga një lartësi prej rreth 6 metrash. Për fat të keq, Buci nuk mundi të mbijetojë pas rënies dhe humbi jetën në vend.

Kolegu i tij, një 31-vjeçar me origjinë marokene, i cili është gjithashtu punonjës i së njëjtës kompani, mbeti i plagosur. Ai u dërgua me urgjencë në spitalin e Romës, ku po merr trajtim mjekësor. Gjendja e tij raportohen se është e stabilizuar, por mbetet nën mbikëqyrje.

Lulzim Buci, banues në Fiorenzuola d’Arda në zonën e Piacenza-s, punonte për një kompani në Imola.

Autoritetet lokale, përfshirë inspektorët e Karabinierëve dhe ASL, po hetojnë rrethanat e aksidentit për të përcaktuar shkaqet dhe për të identifikuar përgjegjësitë.