EMRI/ Dy vjedhje në një ditë, arrestohet 21-vjeçari në Tiranë

Një 21-vjeçar është arrestuar nga policia në Tiranë. I riu i identifikuar si Skender Kamberi mësohet se kryente vjedhje gjithashtu kishte shtyrë një të mitur të kryente vjedhje. I arrestuaru rezulton i dënuar edhe më parë për vjedhje.

Sipas policisë ai vodhi një shumë parash dhe produkteve të ndryshme në një market. Ai gjithashtu ka vjedhur një shumë parash në një lokal. Këto dy vjedhje janë regjistruar më datë 6 dhjetor.

“Tiranë/Finalizohet operacioni policor i koduar “Përsëritësi”. Kryente vjedhje dhe shtynte një të mitur 13 vjeç për të kryer vjedhje, identifikohet, kapet dhe vihet në pranga 21-vjeçari. 21-vjeçari i dënuar më parë për vjedhje. Sekuestrohen veshje policie, radio, pranga, municion luftarak dhe një shumë parash.

Në vijim të punës hetimore dhe operacionale, me qëllim identifikimin dhe nxjerrjen përpara përgjegjësisë penale të autorëve të vjedhjeve, shërbimet e Komisariatit të Policisë Nr. 4 finalizuan operacionin “Përsëritësi”.

Në kuadër të këtij operacioni u identifikua, u kap dhe u vu në pranga shtetasi S. K., 21 vjeç, banues në Tiranë. Nga hetimet rezultoi se më datë 20.11.2025, shtetasi S. K. ka vjedhur, me thyerje, produkte të ndryshme në një market.

Gjatë veprimeve hetimore u provua se ky shtetas ka bashkëpunuar dhe ka nxitur një të mitur 13 vjeç për të kryer vjedhje, konkretisht: vjedhjen e një shumë parash dhe produkteve të ndryshme në një market; vjedhjen e një shumë parash në një lokal, të dyja vjedhjet të ndodhura më datë 06.12.2025.

Po ashtu, gjatë hetimeve u zbulua se 21-vjeçari i ka shitur një shtetasi tjetër veshje uniforme policie, një radio, një palë pranga, si dhe municion luftarak. Punohet ende për të përcaktuar burimin e sigurimit të këtyre sendeve të kundërligjshme.

Të gjitha sendet e kundraligjshme, bashkë me një shumë parash që dyshohet të jenë të vjedhura, u sekuestruan në cilësinë e provës materiale. Materialet procedurale i kaluan Prokurorisë së Tiranës për veprime të mëtejshme”, njofton policia.

LEXONI GJITHASHTU:

• Ish-ambasadori: Trump dëshiron që Evropa të marrë drejtimin e negociatave me Rusinë
• Sulmet ruse godasin rajonin e Sumy-t, banorët evakuohen për shkak të zjarreve