EMRI| Grabiti pikën e këmbimit valutor në Astir, identifikohet autori

Një grabitje që ndodhi të shtunën në Unazë të Re në Tiranë është dokumentuar.

Artan (Marius) Tafani është shpallur në kërkim, ndërsa Enio Meçaj u arrestua..

Tafani ka qenë i dënuar edhe më parë për të njëjtin krim.

“Gjatë veprimeve hetimore ka rezultuar se Tafani, më datë 24.06.2023, në Unazë të Re, është futur në një pikë për transferta parash dhe këmbimi valutor, dhe nën kërcënimin e një arme zjarri pistoletë, ka marrë një shumë parash është larguar me një biçikletë.

Meçaj i ka vënë në dispozicion autorit të dyshuar një garazh automjetesh, dhe me veprimet dhe mosveprimet e tij ka penguar zbulimin e së vërtetës, duke pretenduar se nuk e njeh personin që ka në posedim garazhin,” – bën me dije policia.

Biçikleta dhe veshjet që autori dyshohet se i ka përdorur gjatë kryerjes së krimit, si dhe një automjet i vjedhur janë sekuestruar.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.