EMRI| I dënuar në Itali me 24 vjet burg për drogë, kapet në Lushnjë 57-vjeçari

Një person i dënuar nga autoritetet italiane, me 24 vjet burgim, si pjesëtar i një organizate kriminale që trafikonte lëndë narkotike, është arrestuar nga policia në Lushnjë.

Në kuadër të operacionit “Operacionalja 42”, u lokalizua në Lushnjë dhe u vu në pranga, me qëllim ekstradimin në Itali, shtetasi Fatbardh Haxhiu alias Bardhyl Haxhiu, 57 vjeç, banues në Lushnjë.

Ky shtetas ishte në kërkim ndërkombëtar nga Interpol Roma, pasi Gjykata e Apelit e Napolit, Itali, në vitin 2008, e ka dënuar me 24 vjet burgim, për veprën penale “Organizata kriminale me qëllim trafikimin e lëndëve narkotike”.

Ky shtetas, në bashkëpunim me shtetas të tjerë shqiptarë, ka trafikuan sasi kokaine 15 – 130 kg, në Caserta, Itali.