EMRI/ I mori një personi 20 mijë euro, AMP arreston ish-oficerin e Gardës

Agjencia e Mbikëqyrjes Policore (Rajoni Tiranë), në bashkëpunim me Prokurorinë e Posaçme Kundër Korrupsionit dhe Krimit të Organizuar, ka ekzekutuar sot masa sigurie ndaj një ish-punonjësi të Gardës së Republikës dhe një shtetasi tjetër.

Të dy janë të dyshuar për veprën penale “Ushtrim i ndikimit të paligjshëm ndaj personave që ushtrojnë funksione publike”, kryer në bashkëpunim.

Sipas njoftimit zyrtar, janë caktuar masat e sigurisë:

• “Arrest në burg” për shtetasin Zef Mali i cili në kohën e kryerjes së veprës penale ushtronte detyrën e oficerit pranë Gardës së Republikës, me gradën Komisar;

• “Detyrim për t’u paraqitur në policinë gjyqësore” për shtetasin K. D., banues në Tiranë, i cili ishte shpallur në kërkim.

Hetimet e zhvilluara me metoda speciale kanë provuar se të dy personat, në role të ndryshme, kundrejt shumës prej 20 mijë euro, i kishin premtuar një shtetaseje kallëzuese se do ta ndihmonin në përshpejtimin e procedurave dhe veprimeve juridike në një institucion shtetëror.

LEXONI GJITHASHTU:

• Berisha komenton lajmin që GJK i dha të drejtë Veliajt: U rrëzua Rama dhe Begaj
• Ermal Dredha i rikthehet diplomacisë, emërohet ambasador i Shqipërisë në Zvicër