EMRI/ Në kërkim për kultivim narkotikësh dhe armëmbajtje pa leje, kapet 37 vjeçari

Është përmbyllur me sukses një tjetër fazë e operacionit ndërkombëtar të koduar “The Wanted”, me arrestimin e një shtetasi shqiptar të shpallur në kërkim ndërkombëtar nga autoritetet e Kosovës.

Në vijim të bashkëpunimit mes njësive FAST Albania, DVP Gjirokastër dhe FAST Kosovë u arrestua në Tepelenë shtetasi Albion Kalemi, 37 vjeç.

Gjykata Themelore e Pejës kishte lëshuar gjatë vitit 2024 dy urdhër arreste për 37 vjeçarin, për veprat penale të kultivimit të bimëve narkotike dhe armëmbajtjes pa leje.

Interpol Tirana vijon punën me autoritetet ligjzbatuese të Kosovës për përmbylljen e procedurave të ekstradimit të Albion Kalemit.

LEXONI GJITHASHTU:

• Ra nga çatia e kishës më 19 maj, humb jetën prifti korçar
• Me kanabis e kokainë në makinë, tre të arrestuar pas operacionit antidrogë në Korçë