EMRI/ Plagoset 27-vjeçari në “Zona e Treshit”, ja çfarë deklaroi i riu

Rreth orës 23:00 mbrëmjen e djeshme, në spital është vetëparaqitur shtetasi Renato Çadra, rreth 27 vjeç, i cili ka pësuar një plagë në këmbë, dyshohet nga arma e zjarrit, në vendin e quajtur “Zona e Treshit”. Aktualisht, 27-vjeçari ndodhet jashtë rrezikut për jetën.

Grupi hetimor është në vendngjarje dhe po punon për sqarimin e rrethanave të ngjarjes, me qëllim dokumentimin e plotë të saj. Sipas informacioneve , Renato Çadra ka deklaruar se ka qenë i dhunuar nga katër persona të panjohur për të, të cilët e kanë goditur me sende të forta dhe më pas e kanë plagosur në këmbë, përpara shkollës “Gjergj Fishta”.

Renato Çadra, i cili ka precedentë të mëparshëm penal, ishte nën masën e sigurisë “arrest shtëpie” deri para pak muajsh për akuzën e trafikimit të lëndëve narkotike. Hetimet për ngjarjen vazhdojnë.