EMRI/ Qëllohet me armë zjarri shqiptari në Greqi

Një shtetas shqiptar është plagosur me armë zjarri në orët e para të mëngjesit të së premtes në Athinë.

Sipas policisë, i plagosur ka mbetur 34 vjeçari Renis Fajzolli. Ngjarja ndodhi në rrugën Sidhirokastru në zonën Votanikos, teksa i riu ndodhej në një park, ku do të takonte një person të panjohur për autoritetet.

Ende nuk dihet se çka ndodhur saktësisht, por mësohet se ka qenë vetë Fejzolli i cili ka kërkuar ndihmë nga një ekip mjekësh që po kalonin me ambulancë në zonë.

Ai u tha mjekëve se u qëllua me pistoletë dhe se nuk i njihte autorët. Fejzolli u dërgua në spital, ku edhe iu nënshtrua operacionit për heqjen e plumbave.

Mjekët thonë se gjendja e tij është e rëndë. Policia gjeti në vend ngjarje 3 gëzhoja të një pistolete 9 mm.

LEXONI GJITHASHTU: 

• Dhuna ndaj palestinezëve në Bregun Perëndimor, Biden sanksionon kolonët izraelitë
• Digjitalizimi i bankave, a jemi gati? Eksperti: Do ketë transparencë më të madhe