EMRI/ Tentoi të vriste me thikë një person në Krumë, arrestohet 62-vjeçari

Policia në qytetin e Krumës dhe Forcat e Posaçme “Shqiponja” kanë parandaluar një ngjarje të rëndë e cila nisi mes dy personave për shkak të një konflikti.

Sipas informacioneve zyrtare, në lagjen nr. 1 një 60-vjeçar është goditur me mjet prerës, dhe vetëm pak minuta pas ngjarjes, është bërë e mundur kapja dhe arrestimi i autorit Qazim Cahani, 62 vjeç.

Qazim Cahan banues në Krumë, gjatë një konflikti pranë dyqanit të tij, ka tentuar të vrasë me thikë shtetasin I. F., 60 vjeç, nga fshati Vranisht. I lënduari ndodhet nën kujdesin e mjekëve dhe raportohet se është jashtë rrezikut për jetën.

Në cilësinë e provës materiale, sekuestrohet mjeti prerës që dyshohet se autori ka përdorur në vendin e ngjarjes.

Materialet procedurale iu referuan Prokurorisë pranë Gjykatës së Juridiksionit të Përgjithshëm Kukës, për veprime të mëtejshme.

LEXONI GJITHASHTU:

• Vrasja e biznesmenit, automjeti i autorëve ishte në emër të kompanisë së viktimës
• Çfarë fiksuan kamerat, si lëvizën autorët dhe momenti i ekzekutimit të biznesmenit