EMRI| Vrau babanë me thikë, arrestohet 25-vjeçari në Durrës

Policia e Durrësit ka arrestuar 25-vjeçarin Marjan Kodheli i cili vrau me thikë babanë e tij ditën e sotme në fshatin Shkallnur.

Ngjarja e rëndë ndodhi rreth orës 13:00 ku shtetasi Marjan Kodheli 25 vjeç, dyshohet me probleme të shëndetit mendor, vrau me mjet prerës (thikë), babanë e tij, shtetasin Pjeter Kodheli 69 vjeç, teksa ndodheshin në banesën e tyre.

Pas krimit 25-vjeçari u largua nga vendi i ngjarjes dhe u vu në pranga nga policia pranë vendit të ngjarjes pa bërë rezistencë.

Gjatë kontrollit, shërbimet e Policisë i gjetën dhe i sekuestruan 25-vjeçarit, me cilësinë e provës materiale, një mjet prerës (thikë).

Grupi hetimor po punon për zbardhjen dhe dokumentimin e rrethanave të rastit.