EMRI| Vritet 23-vjeçari shqiptar në Itali, donte të ndihmonte shokun

Një ngjarje e rëndë është shënuar në Sirolo të Italisë pasditen e së dielës, ku ka mbetur i vdekur një i ri shqiptar.

Mediat italiane raportojnë se 23-vjeçari, i identifikuar si Klajdi Bitri humbi jetën duke mbrojtur mikun e tij.

Ai është vrarë nga një person me origjinë nga Algjeria pasi ndërhyri të ndalonte një sherr në të cilin ishte përfshirë shoku i tij.

Kur 23-vjeçari ka tentuar të ndajë shokun dhe algjerianin, ky i fundit ka marrë në bagazhin e makinës një mjet si shtizë dhe ka qëlluar në drejtim të të dyve.

Shtiza ka goditur Bitrin, i cili gjeti vdekjen e menjëhershme pasi u godit në gjoks.

Sipas mediave italiane sherri ka ndodhur për motive të dobëta, dyshohet se ka nisur si një konflikt se kush duhet të kishte përparësi në rrugë.

Pas ngjarjes autori i vrasjes është larguar menjëherë, megjithatë karabinierët bën të mundur kapjen e tij pas disa orësh.

LEXONI GJITHASHTU:

• Vrau 3 persona me ngjyrë e më pas vetën, Policia e Floridas: I riu i urrente zezakët
• Bashkëpunonin për të shitur kokainë, kapen në flagrancë dy të rinjtë në Korçë