EMRI| Zbulohet pronari i fermës me kanabis në Berat, në të ishin strehuar mbi 50 gra

Euronews Albania ka mësuar se janë arrestuar 9 persona për kultivim të lëndëve narkotike në një serë në Berat, ndërsa 105 persona u shoqëruan. Rreth 95 prej tyre janë gra por shumica e tyre jo banore të zonës.

Personave që u është konfirmuar arresti janë nga Fushë Kruja dhe Lezha.

Mësohet se sera është në pronësi të shtetasit Xhimi Dyli, i cili po merret në pyetje nga policia për të bërë të mundur arrestimin e personave që ua kishte dhënë me qira, emrat e të cilëve nuk bëhen të ditur ende.

Sera ishte marrë me qira dhe gratë që punonin në të flinin prej muajsh brenda serës me një sipërfaqe rreth 2 hektarësh, ku ishin përshtatur edhe ambiente fjetjeje me dyshek me ajër dhe dushe për t’u larë.

LEXONI GJITHASHTU:

• VIDEO| Sera me drogë në Berat, 50 gra të shoqëruara
• Detaje të reja nga ferma e kanabisit në Berat, shkon në 105 numri i të shoqëruarve