“Energjia dhe stabiliteti rajonal”, Vuçiç në një bisedë me zyrtarin amerikan

Presidenti i Serbisë, Aleksandar Vuçiç, ka zhvilluar një bisedë telefonike me Zëvendës Sekretarin e Shtetit të SHBA-së, Christopher Landau, ku në fokus kanë qenë marrëdhëniet dypalëshe.

Në një postim në rrjetet sociale, Vuçiç e cilësoi bisedën si të rëndësishme, duke theksuar se Serbia i kushton vëmendje të veçantë forcimit të partneritetit strategjik me Shtetet e Bashkuara të Amerikës, të cilën e konsideron një nga partnerët kryesorë në politikën e jashtme.

Sipas tij, gjatë bisedës u diskutua për forcimin e sigurisë energjetike dhe stabilitetin e furnizimit, si dhe për sfidat në sektorin e energjisë.

Postim i plotë i Vuçiç:

Bisedë e shkëlqyer dhe e rëndësishme me Zëvendës Sekretarin e Shtetit për bashkëpunimin dypalësh, energjinë, stabilitetin rajonal dhe mundësitë aktuale gjeopolitike. Serbia i kushton rëndësi të veçantë zhvillimit të partneritetit strategjik dhe marrëdhënieve të përgjithshme me SHBA-në, të cilën e konsiderojmë një nga partnerët kryesorë të politikës së jashtme.

Diskutuam për forcimin e sigurisë energjetike dhe stabilitetin e furnizimit, si dhe sfidat në sektorin e energjisë, përfshirë funksionimin e Industrisë së Naftës së Serbisë, me qëllim ruajtjen e sigurisë dhe parashikueshmërisë së tregut.

Duke folur për zhvillimet rajonale dhe globale, theksova se ruajtja e paqes dhe stabilitetit është një nga domosdoshmëritë për zhvillimin dhe progresin e mëtejshëm të rajonit të Ballkanit Perëndimor dhe të mjedisit më të gjerë ndërkombëtar.

Intensifikimi i bisedimeve dypalëshe për të gjitha çështjet e hapura është thelbësor për forcimin e besimit dhe stabilitetit në marrëdhëniet tona. Jam i bindur se Serbia dhe SHBA do të vazhdojnë të zhvillojnë një partneritet strategjik përmes dialogut politik të hapur dhe të vazhdueshëm.