Avrami: Energjia nga TEC-et lundruese kosto më të ulët se importi

Energjia që do të prodhohet nga TEC-et lundruese të Vlorës do të kushtojë shumë më lirë se energjia që importohet sot, sipas administratorit të Albgaz, Arbër Avrami.

Në emisionin ‘Sot’ në Euronews Albania, Avrami tha se kapaciteti prodhues i këtyre platformave lundruese është më i madh se kapacitet aktual i TEC të Vlorës dhe mbulon një pjesë të mirë të energjisë së importit që marrim sot.

“Kur është nisur ky proces kostoja e prodhimit të energjisë na këto platforma ka qenë 200 për qind me lirë se bursa e importit. Do kushtojë më lirë se energjia që importohet sot, kjo është e sigurt, dhe do ndikojë edhe xhepat e shqiptarëve”, tha Avrami.

LEXONI GJITHASHTU:

• TEC-et lundruese të Vlorës nuk do e ndotin mjedisin, pretendon zyrtari
• Shqipëria merr me qira dy anije për prodhim energjie