Ish-gjyqtarja e Krujës, Enkelejda Hoxha ka treguar momentet e para të arrestimit, ndodhur mëngjesin e 11 shkurtit të vitit 2021.
Në një rrëfim ekskluziv për emisionin “SOT” në “Euronews Albania”, Hoxha u shpreh se rreth orës 09:00, tre oficerë policie i kanë shkuar në zyrën e saj, ku i kanë thënë se kishin një urdhër kontrolli dhe vendim të masës së sigurimit “arrest me burg”.
“Nisi kontrolli, zyra, sirtarët, dosjet, çdo gjë. Çanta, portofoli, kontrolli fizik dhe më pas oficeri më tha se ky kontroll bëhet me një vendim të Gjykatë së Posaçme Kundër Korrupsionit dhe Krimit të Organizuar dhënë ndaj teje në mungesë. Njëkohësisht i kërkova oficerit që ishte prezent që brenda rregullave kontrolli i banesës sime, sepse mu bë me dije që do të kishte edhe një kontroll të banesës sime të bëhen në prezencën time”, tha Hoxha.
Arrestimi i saj ka ndodhur pas akuzave se ajo ka liruar nga burgu persona me të shkuar kriminale. Gjykata e Posaçme e Shkallës së Parë për Korrupsionin dhe Krimin e Organizuar (GJKKO) e ka dënuar Hoxhën me 3 vite burg dhe për shkak të gjykimit të shkurtuar, do të kryejë 2 vite burg.
Ish-gjyqtarja ndodhet në paraburgim dhe çështjen e saj e ka dërguar në apelin e GJKKO.
LEXONI GJITHASHTU
- EKSKLUZIVE | Enkelejda Hoxha: Nuk do u ndryshoja asgjë vendimeve të mia
- Ish-gjytarja Enkeleja Hoxha rrëfen si e priti familja arrestimin e saj
