Erdogan kundër Eurovizionit: Njerëz jonormalë, kërcënojnë vlerat familjare

Presidenti i Turqisë, Recep Tayyip Erdogan, tha se Eurovizioni inkurajon “neutralizimin gjinor” dhe kërcënon familjen tradicionale.

Në një fjalim të fundit, Erdogan i përshkroi pjesëmarrësit e Eurovizionit si “kuajt trojanë të perversitetit të shoqërisë” dhe tha se qeveria e tij kishte të drejtë që nuk dërgoi përfaqësuesin e saj në konkurs që nga viti 2012.

Këtë vit fitoren në Eurovizion e mori zvicerani Nemo, i cili u bë kështu personi i parë jobinar që triumfoi në atë kompeticion.

“Është bërë e pamundur të takosh një person normal në ngjarje të tilla”, tha Erdogan, Partia për Drejtësi dhe Zhvillim në pushtet i të cilit i ka rrënjët në lëvizjen islamike të Turqisë dhe qeveria e të cilit është bërë më pak tolerante ndaj të drejtave LGBT vitet e fundit.

Sipas tij, Eurovision është një “konkurs i turpshëm” dhe tani shihet se vendimi i mospjesëmarrjes së Turqisë në të ka qenë “i saktë”, transmeton Guardian.

LEXONI GJITHASHTU:

• Eurovizioni i përgjigjet ankesave për sjellje të keqe
• Kritika për Eurovizionin edhe nga Komisioni Europian: Dhuratë për armiqtë e Europës