Erdogan viziton Rusinë më 5 Gusht, njoftohet takim kokë më kokë me Putin

Presidenti turk Rexhep Tajip Erdogan do të bëjë një vizitë në Rusi dhe pritet të takojë edhe homologun Vladimir Putin.

Edhe pse shume diskrete për të dhënë detaje, presidenca turke ka njoftuar se vizita do të bëhet në qytetin e Soçit të premten e 5 gushtit, ku edhe pritet takimi kokë më kokë me homologun e tij rus.

Vizita do të kryehet vetëm pak javë pas një tjetër takimi në Teheran me dy liderëve, ku Turqia, OKB, Rusia dhe Ukraina nënshkruan marrëveshjen historike për rifillimin e ekportit të grurit përmes tre porteve të Ukrainës së pushtuar.

Eksportet e konsiderueshme të grurit pritet do të rifillojnë së shpejti, të koordinuara në Stamboll.

Të mërkurën e kaluar, Erdogan dhe Putin u takuan edhe me homologun e tyre iranian Ebrahim Raisi në kryeqytetin e Iranit. Kretët e shteteve u mblodhën për samitin e 7-të në formatin e Astanës për të diskutuar zhvillimet e fundit në Siri, luftën kundër grupeve terroriste që përbëjnë një kërcënim për sigurinë rajonale, si dhe situatën humanitare dhe kthimin vullnetar të sirianëve.