Erion Veliaj: Kam 6 vite që kërkoj debat me Lulzim Bashën për bilancin e Bashkisë së Tiranës

I ftuar në studion e “Ilva Now”, Erion Veliaj deklaroi se ka 6 vite që po përpiqet të bëjë një debat me Lulzim Bashën, për të bërë bilancet e Bashkisë së Tiranës.

“Unë kam 6 vite që po kërkoj të bëj një debat me Lulzim Bashën për të bërë një bilanc mbi Bashkinë e Tiranës. Kur të dojë”, u shpreh z. Veliaj.

Kryebashkiaku tha se kur ishte Lulzim Basha kryebashkiak, në Tiranë nuk u bë ndonjë punë e konsiderueshme, ndërsa personat që nuk punuan u pasuruan vetvetiu gjatë viteve të fundit ku Bashkinë e Tiranës e kishte PS, me Erion Veliajn në krye.

“Më thoni një shkollë në Tiranë, një punë publike që shkoi deri në fund dhe një moment që punoi sahati i Tiranës, dhe në momentin që ti nuk bën dot gjëra të vogla.  Edhe kundërshtari më i madh vetëm duke ndenjur në shtëpi është bërë më i pasur sepse qyteti është më i pastër dhe ka më shumë infrastrukturë”, u shpreh kryebashkiaku i Tiranës.

Lexoni gjithashtu:

Kush e thyen hersin në Tiranë? Erion Veliaj zbulon emrat që dalin nga sondazhet

Erion Veliaj u përgjigjet akuzave për pastrim parash në sektorin e ndërtimit