Erion Veliaj: Në të gjithë Shqipërinë janë më shumë se 72 mandate

“Ka qenë një ditë e gjatë, e bukur dhe mezi pres që ta çojmë deri në fund. Lajm i parë i mirë që morëm, është që Exit Poll-et na kanë nxjerrë fitues. Lajmi i dytë më i mirë është se projeksionet tona në të gjithë Shqipërinë janë më shumë se 72 mandate. Do duhet të presim me shumë durim procesin e numërimit”, tha ai.

Nga selia e Partisë Socialiste, z. Veliaj tha se është shumë e rëndësishëm të pritet numërimi i votave, ndërsa e la të hapur bashkëpunimin me kundërshtarët politikë në interes të zhvillimit të Shqipërisë.

“Vota është një kontratë e shenjtë dhe vota duhet respektuar me respekt të madh. Fakti që të gjitha sondazhet nxjerrin PS forcën fituese me 71-72 mandate duhet ta respektojmë këtë proces deri në fund, dhe nesër kur të kemi të qartë mandatet ekzakte të kemi mundësi të falënderojmë të gjitha ata që punuan dhe të kemi mundësinë t’i shtrijmë dorën edhe kundërshtarëve tanë për të filluar një rrugëtim të ri për Shqipërinë tonë”, tha ai.