Erl Murati: Basha ka marrë një vendim të rrezikshëm për veten

Kryeredaktori i “Gazetës Shqiptare”, Erl Murati thotë se Lulzim Basha nuk e ka përjashtuar e Berishën nga grupi parlamentar për ambicie personale.

Sipas tij, lideri demokrat është i bindur se vendimi i tij për përjashtimin e Berishës është “veprim i rrezikshëm”.

“Unë besoj se ai ka ndërmarrë një veprim të rrezikshëm për veten dhe është i ndërgjegjshëm për këtë. Nga ana tjetër, Basha u zgjodh mbi 80% të votave të anëtarësisë dhe Berisha nuk tha asnjë fjalë”, tha ai.

Ai shprehet më tej se Lulzim Basha, kishte shansin të bëhej kryetari i përjetshëm i Partisë Demokratike nëse do refuzonte kërkesën e amerikanëve për çështjen Berisha.

Gazetari shprehet se etiketimet si “tradhtar” për kryetarin e PD-së janë të tepruara pasi ata bashkëpunojnë që nga viti 2005.

“Dëgjova se z. Berisha në mënyrë të përsëritur ditët e fundit e ka quajtur tradhtar z. Basha. Tani, kur u bë tradhtar? Ai është bashkëpunëtor që nga viti 2005 dhe dinë shumë gjëra për njëri tjetrin”, tha ai.