Escobar: Ballkani i Hapur të ngelet projekt ekonomik, jo politik

SHBA-të e përkrahin iniciativën Ballkani i Hapur, tha Zv/Ndihmës Sekretari i Shtetit për Evropën Jugore dhe Qendrore, Gabriel Escobar gjatë samitit të Open Balkan, të mërkurën.

Escobar tha se ky projekt është ekonomik, jo politik, dhe i tillë duhet të mbetet.

Ai tha se kjo iniciativë duhet t’i përfshijë të 6 shtetet e Ballkanit Perëndimor në nivel të njëjtë.

Escobar bëri disa rekomandime për mbarëvajtjen e kësaj nisme, ndërsa tha se vendet do të kenë mbështetjen e SHBA-së.

“Ka shumë mundësi për integrime, liderët të kërkojnë mënyra për iniciativa të reja. Duhet të ketë plan për zhvillim institucional, përparësi është rritja ekonomike, kushte për investitorët, përkrahje për qeveritë, zhvillimi i institucioneve që mundohen të shmangin pagesën e tatimeve. Liderët të bashkëpunojnë me interes për tregun e përbashkët. Nuk është projekt politik, por projekt ekonomik. E rëndësishme është të ngelet ekonomik.  Mund të mbështeteni tek ne. Do ju ndihmojmë për kalimin kufitar me teknologjitë më të larta dhe mbështetje për luftën me pastrimin e parave”, u shpreh Escobar.

LEXONI GJITHASHTU

• Rama në Open Balkan: Përtej konfliktit Kosovë-Serbi, të shohim nga e ardhmja

• Vuçiç fton Kosovën në Ballkanin e Hapur: Takimi i radhës të mbahet në Serbi
• Kryeministri i RMV-së në Open Balkan: Ftesa për Albin Kurtin mbetet e hapur